సచివాలయంలో శవాల కంపులో

తెలుగుజాతికి 2 రాష్ర్టాలు
టీవీలో స్క్రోలింగ్

ఆయోమయం ఆఫీసరు
టూ ఎందుకు త్రీ అంటూ 
నాలుగు వేళ్లు చూపిస్తున్నాడు

ఆర్టీసీ కార్మికుడి వైపు
కేశినేని, దివాకర్ 
తీక్షణంగా  చూస్తున్నారు 

విడిపోతే పడిపోతమంటూ
ఊగిపోతున్నడో  గజల్ గాయకుడు 
అడ్డొస్తే అడ్డంగా నరికేస్తామంటూ 
తెలుగుతల్లి విగ్రహం  ముందు  ఓ  ఉద్యమకారుడు
ట్యాంక్ బండ్ పై విగ్రహాలు ఒక్కసారిగా వణికాయ్


ఒక్కటిగా ఉంచండి... ఓట్లు లేకపోతే నోట్లు
బేరం పెట్టాడు ఓ నాయకుడు

రెండుగా విడగొట్టండి.. ఢిల్లీ పీఠం..కొడుక్కి పట్టం
ఎదురు బేరం పెట్టాడు మరో నాయకుడు



అమ్మగారి ముందు  ఆ ఇద్దరు  నాయకులు
చేతులు కట్టుకొని... తలల వంచుకొని 
నిలబడ్డారు.
కత్తితో  కొడుకు సిద్ధంగా ఉన్నాడు
అమ్మ ఇంకా లెక్కలు వేస్తూనే  ఉంది

హైదరాబాదు బస్సు ఎక్కాలా లేదా అని
శ్రీకాకుళంలో  అప్పలనాయుడు
బస్టాండులో  గిరగిరా తిరుగుతున్నాడు
ఇమ్లిబన్లో  అతడి కొడుకు కూడా

ఫార్మ్ హౌస్లో మెత్తటి  సోఫాలో
కొడుకు,కూతురు,అల్లుడు 

జైల్లో.. లోటస్ పాండులో
భార్య, తల్లీ, చెల్లీ

వైస్రాయ్లో, 22లక్షలింట్లో
కొడుకు కోడలు, బామ్మర్ది

సచివాలయంలో.. శవాల కంపులో
మరికొందరు

అప్షన్లపై కసరత్తు చేస్తున్నారు.












 



 

మోడి ఎక్కడా. వాజపేయి ఎక్కడా

రాములోరి పార్టీతో ఎన్టీవోడి పార్టీ  జత కడితే ఎలా ఉంటాదంటావ్
ఆళ్లు దూరమైపోతారేమోరా
ఛస్.. ఆళ్లేవరేయ్ అళ్లు దూరమైతే  కొంపలు మునిగిపోతయేటి
మునగడం సంగతి తెల్ద గానీ..ఓ పాలి ఓడిపోనాం..నీకు గుర్తు నేదేటి
నేకేం.. అందుకాళ్లేనేటి కారణం..
ఆళ్లేరా బాబూ... అందుకే ఓడిపోనాం.

ఐతే మరో పాలి దోస్తీ కట్టి గెల్లేదేటీ
అప్పడు వాజపేయి గోరున్నారు అందుకే..
మరిప్పడు మోడీ బాబు గోరు లేరేటి
బాగుంది మోడి గోడి ఎక్కడా, వాజపేయి గోరెక్కడా
నక్కకి కుక్కకి ఉన్నంత తేడా ఉందిరా బాబూ
నాకలా అనిపించడం లేదు
ఇటు రాముడు... అటు ఆంజనేయుడు

ఛస్.. నువ్వు  మరీ ఒఠ్టి ఎర్రిబాగులోడివిరా
మోడి మీద ఎలాంటి ముద్దరుందో నీకు తెలుసునా
ఎలాటిదేటీ. ఐనా ఉంటే ఏటి ఓట్లేయరేటీ
ఎన్ని సెప్పు ఆడితో జోడి కత్తి మీద సామురా బాబూ
మరి సాము చేయకుండా వచ్చేద్దేటి అధికారం

ఒరేయ్ మనలో మనకి గొడవలెందుగ్గానీ..
బాబు గోరి దగ్గరికెళదాం పద
యింటారంటావా
తస్సాదియ్యా నీకన్నీ అనుమానాలే.
బాబు గోరు చాణక్యుడు